ကိုယ့်သမိုင်းမရိုင်းအောင် အလေးထားလုပ်ဆောင်သင့်

ဆောင်းပါးများ

လူ့အခွင့်အရေးမဆုံးရှုံးရအောင် ဆောင်ရွက်လာတာ ခုတော့ လူဦးရေ သန်းနဲ့ချီပြီး မဲပေးခွင့်ဆုံးရှုံးသွားတယ်ဟူသော ရုပ်ပြောင်ကာတွန်းလေးတစ်ခုကို အောက်တိုဘာ ၂၂ ရက်ထုတ် သတင်းစာတစ်စောင်တွင် ထင်ထင်ရှားရှား တွေ့ရသည်။
ဒီမိုကရေစီကို အုတ်မြစ်ချပေးမည်၊ ကာကွယ်မည်၊ တိုးချဲ့တည် ဆောက်မည်ဟုြေ<ွကးကြော်သူတို့ နိုင်ငံတော်တာဝန်အရပ်ရပ်ကို ရယူကာ အစိုးရအာဏာပိုင်များဖြစ်သော ခေတ်တွင် အစစအရာရာ ယခင်ကာလများ ထက်သာမည်ဟု ပြည်သူများက မျှော်လင့်ချက်ကြီးမားစွာ ထားခဲ့ကြသည်မှာ သဘာဝကျပါသည်။
လက်ရှိအချိန်တွင် ထိုသူတို့သည် လူ့အခွင့်အရေးဟု တောက်လျှောက် အသံပေြးေ<ွကးကြော်ခဲ့ကြသည်။ ယနေ့သူတို့လက်တွင် လုပ်ပိုင်ခွင့်အာဏာ ရောက်သွားသည့်အချိန်ကစ၍ လူ့အခွင့်အရေးချိုးဖောက်ခံရသော ဖြစ်ရပ်မှုခင်း များကိုသာ မကြာခဏတွေ့မြင်ခဲ့ရသည်။ ထိုသို့သောဖြစ်ရပ်များအတွက် ပြည်သူလူထုရင်ထဲက ဆန္ဒတို့ကိုအကြောင်းပြုကာ ကာတွန်းဆရာက မနေ သာဘဲ ယခုလိုရုပ်ပြောင်ရေးဆွဲရသည်အထိ ဖြစ်ခဲ့ရခြင်းဖြစ်သည်။
တစ်နေ့တည်းမှာ ပြည်သူ့ရှေ့ဆောင်ပါတီ(PPP) ပြည်သူ့လွှတ်တော် ကိုယ်စားလှယ်လောင်း အမျိုးသမီးက မြေပြင်မှာမဲဆွယ်စည်းရုံးခွင့်လည်း မရှိဘူး။ ပြည်သူနဲ့ထိတွေ့တာလည်း မရှိဘူး၊ နောက်တစ်ခုက Door to Door ဝင်ရောက်စည်းရုံးခွင့် မရှိဘူး။ ကျွန်မတို့လုပ်မယ်ဆိုတဲ့ မူဝါဒတွေကို ချပြပိုင်ခွင့် မရှိဘူး။ ဘာမှသိပ်မလုပ်ရဘဲနဲ့ ရွေးကောက်ပွဲကို ဝင်ရမယ်ဆိုတော့ အခက်အခဲက အတော့်ကိုကြီးပါတယ်ဟု မီဒီယာ၏မေးမြန်းမှုကို ဖြေကြားသံ လည်း ကြားရသည်။
အလားတူပင် ညီညွတ်သော တိုင်းရင်းသားလူမျိုးများ ဒီမိုကရေစီပါတီ (UNDP) အထွေထွေအတွင်းရေးမှူးက တိုင်းရင်းသားအခွင့်အရေးကို ပိတ်ပင်ပြီး အာဏာရပါတီရှုံးနိုင်သည့် မဲဆန္ဒနယ်အချို့ ပယ်ဖျက်မှု အပေါ် ရွေးကောက်ပွဲကော်မရှင်အား ရှုတ်ချကြောင်း ၄င်း၏ Facebook စာမျက်နှာတွင် အောက်တိုဘာ ၂၁ ရက် ညပိုင်းက ပြောကြားခဲ့သည်ကို တွေ့မြင်ရသည်။
ထို့ပြင် UNDP ပါတီ ရန်ကုန်တိုင်း လွှတ်တော်ကိုယ်စားလှယ်လောင်း များက Covid-19 ရောဂါဖြစ်ပွားမှု အများဆုံးဖြစ်သည့် ရန်ကုန်တိုင်းရှိ မြို့နယ် ၄၄ မြို့နယ်ကို ရွေးကောက်ပွဲရွှေ့ဆိုင်းပေးရန် တောင်းဆိုကြသည်။ Covid-19 ရောဂါကူးစက်မှု မြင့်မားလွန်း၍ Stay at Home ကြေညာထား သည့် ရန်ကုန်တိုင်းဒေသကြီးနှင့် တိုက်ပွဲဖြစ်ပွားနေသည့် ပလက်ဝမြို့နယ် တို့တွင် ရွေးကောက်ပွဲကျင်းပရန် မည်သည့်အချက်အလက်များအပေါ် အခြေခံ၍ စဉ်းစားထားသနည်းဟု မေးခွန်းထုတ်မှုများလည်း ရှိနေပါသည်။
လွတ်လပ်မှုနှင့် တရားမျှတမှု စံပေတံများနှင့်ညီမှသာ ရွေးကောက်ပွဲသည် လွတ်လပ်၍ တရားမျှတ အောင်မြင်သော ရွေးကောက်ပွဲဖြစ်ပါမည်။ ရွေး ကောက်ပွဲများ၌ လွတ်လပ်မှုနှင့် တရားမျှတမှုကို တာဝန်ယူလုပ်ဆောင်မည့် ပုဂ္ဂိုလ်များ၊ အဖွဲ့အစည်းများသည် ပေးအပ်ထားသည့်တာဝန်နှင့်ဝတ္တရား တစ်နည်း သမိုင်းပေးတာဝန်ကို ကျေပွန်စွာထမ်းရွက်ကြရန် အထူးပင်လိုအပ် ပါသည်။ မိမိတို့၏သမိုင်း မရိုင်းရအောင် အလေးထား လုပ်ဆောင်သင့် ပါကြောင်း ရေးသားအပ်ပါသည်။

Leave a Reply

Your email address will not be published. Required fields are marked *